کابل- ۱۳۹۰ د مرغومي ۱۷مه
د
ولسي جرګې د دارالانشا لوی رئیس خدای نظر نصرت د خپل کار په دفتر کې په کابل کې
میشت د هالنډ له سفیر بارډینکج وان وال هوفن سره وکتل.
د ولسي جرګې او
د هالنډ د پارلمان ترمنځ همکارۍ، د وکیلانو او د دارالانشا د کارکوونکو د کاري
ظرفیتونو لوړیدل او د هالنډ هیواد د پارلماني پلاوي د لیدنو کتنو لپاره د زمینې
برابرول، چې په دې نږدې وختونو کې به کابل ته راشي د دواړو لورو د خبرو اصلي محور
و.
په دې کتنه کې د هالنډ سفیر وویل، چې ددغه هیواد د
ولایتي بیارغونې ډله، چې د ارزګان په ولایت کې یې فعالیت کاوه، له دې وروسته به د
کندوز په ولایت کې خپلو فعالیتونو ته دوام ورکړي.
نوموړي د خپل هیواد د ولایتي بیارغونې ډلې د کړنو د ښه
کیدو لپاره په ولسي جرګه کې د ارزګان دخلکو د استازو نظرونه د کندوز په ولایت کې
هم مهم وبلل او په دې برخه کې د خلکو د استازو د وړاندیزونو غوښتونکی شو.
دغه راز د ولسي جرګې د دارالانشا لوی رئیس د هالنډ سفیر
ته د ولسي جرګې د دارالانشا د چمتوالي په څرګندولو سره هغه ته د ولسي جرګې او د
دارالانشا د غړو د فعالیتونو په اړه هر اړخیز معلومات وړاندې کړل.
د کتنې په پای کې د ولسي جرګې د دارالانشا لوی رئیس د
ولسي جرګې او د هالنډ هیواد د پارلمان ترمنځ د همکاریو دوام د دواړو هیوادونو د
دولتونو او خلکو په ګټه وباله. v