د ۱۳۹۳ كال د رارسيدو له امله د ولسي جرګې د مباركۍ پيغام
د افغانستان دملي شورا ولسي جرګه د ۱۳۹۳ لمريز كال او د
پسرلي د رارسيدو له امله، چې طبيعت ته د نوي ژوند نښه ده، ټولو هيوادوالو ته
مباركي وايي او د ستر څښتن تعالى له درباره ټولو ته له بركته، ارامۍ او سولې د ډك
كال دعا كوي.
موږ په داسې حال كې نوى كال نمانځو، چې په تير كال كې مو د
هيواد په بيلا بيلو برخو كې هيوادوال د جګړې او ناامنيو، اقتصادي بې وزلۍ او ځينو
نورو خنډونو سره مخ وو. هيله من يو، چې په ۱۳۹۳ كال كې دغه ټولې ناخوالې او ستونزې
د افغانستان له ښكلې خاورې د تل لپاره وركې، زموږ خلك هم د نړۍ د نورو ملتونو په
څير په سوله، ارامۍ او سوكالۍ كې ژوند وكړي.
ولسي جرګه