کابل د کب دریمه، ۱۳۹۳کال
د ۱۳۵۸ لمریز کال د کب په دریمه دکابل خلکو د ملي پاڅون په
مناسبت د افغانستان ملي شورا د ولسي جرګې پیغام
د هیواد په تاریخ کې له هیردونکو
حماسو څخه یو هم د کب د دریمې خونړی پاڅون دی.د ۱۳۵۸ لمریزکال د کب یا حوت د
میاشتې په دریمه نیټه خلکو په کابل ښار کې د شپې د تکبیر غږونه وکړل او د وخت د
کمونستي رژیم او د سره پوځ په وړاندې یې د ملي پاڅون اعلان وکړ.
دحوت
ددریمې په شپه نه یوازې دکابل اسمان دالله اکبر زمزمو په سراخیستی وو ، بلکې
مرګ برکمونیزم ، مرګ برشوروي او ژوندي دې وي مجاهدین شعارونه هم په لومړي ځل
په لوړ غږ سره دهیواد په پلازمینه کې پورته شول.
د ملي شورا ولسي
جرګه، د وخت ګوډاګي رژیم په وړاندې د کابل د مجاهدو او متدینو ښاریانو ملي پاڅون
یوه تاریخي کارنامه بولي، او په دې پیښه
کې د شهیدانو یاد نمانځي او د افغانستان میړني، بریالي او سرلوړي ولس لپاره د الله
ج له دربار څخه د سوکاله ژوند غوښتنه کوي.
ومن الله توفیق
د
افغانستان د ملي شورا ولسي جرګه