اصلي پاڼه | دری | English |
عمومی معلوماتExpand عمومی معلومات
د ولسي جرګې تشکیلاتExpand د ولسي جرګې تشکیلات
خبرونه او رپوټونهExpand خبرونه او رپوټونه
داخلي کړنلارېExpand داخلي کړنلارې
خپرونې او ګټور لینکونهExpand خپرونې او ګټور لینکونه
سوانحExpand سوانح
یک شنبه ٬د وږي ۲۴ مه٬ ۱۳۹۸ ل

د زمري ۶ مه ۱۳۹۸

د ولسي جرګې کمیسیونونو د بیلابیلو موضوعاتو په اړه بحث وکړ

د ولسي جرګې د کورنیو چارو او ملي امنیت کمیسیون غونډه د دې کمېسیون د رییس فدا محمد الفت صالح په مشرۍ جوړه شوه.

پیل کې د هیواد پر امنیتي او دفاعي وضعیت هراړخیزې خبرې وشوې او د کمېسیون غړو په خپل وار سره د هیواد د بیلابیلو ولایاتو پر امنیتي ستونزو خبرې اترې وکړی د حل په موخه يې اړوندو مراجعو ته لازمې لارښوونې وکړې.

دغونډې په بله برخه کې له آجنډا سره سم ۱۳۹۸ کال په منځنۍ بودجې بحث وشو او پایله کې د منځنۍ بودجې په څیړنه کې ستونزې موجودې وې او د لاندنیو ذکر شویو دلایلو پر بنسټ د ۱۳۹۸ مالي کال منځنۍ بودجه د کمېسیون د غړو له لورې  د رایو په اکثریت سره رد شوه او د وروستیو اجراتو په موخه اړوند کمېسیون ته واستول شوه.

ـ په ۴۵،۱۹،۳ پاڼو کې د منځنۍ بودجې د څیړولو په عادي بودجوي کوډ کې توپیر ښايي.

ـ د جمهوري ریاست د لوړپوړو چارواکو د ساتنې کارکوونکو د اپراتیفي پیسو په لګښت د مالیې وزارت لورې تعدیل.

 ـ د اړیکو پر بنسټ یو شمیر کارکوونکو ته ( ان ټي ای) او سوپر سکیل په نومونو د معاشونو ورکول.

د غونډې پر دوام د عسکري صلاحیتونو د محاکمو قانون په اړه د ولسمشر پر تقنیني فرمان خبرې اترې وشوې او پایله کې په یاد قانون کې یو لړ تعدیلات وړاندیز شول او د نظر غوښتنې په موخه د ولسي جرګې دایمي کمېسیونونو ته واستول شو.

په پای کې کمېسیون ته په رالیږل شویو مکتوبونو او عرضپاڼو بحث وشو او اړوندو مراجعو ته لازمې لارښوونې وشوې.

د بشر حقونو، مدني ټولنې او د ښځو چارو کمېسیون د خپل کاري پلان سره په پام کې درلوده چې د ۱۳۹۸ مالي کال د منځنۍ بودجې مسوده چې جندر ته ځانګړې شوه بحث او خبرې اترې وکړی او د مالیې وزارت د بودجې عمومي رییس او کارپوهان را وغوړي، خو یاد چاوراکي وار دمخه د مالي بودجې کمېسیون له لورې رابلل شوي ول په همدې موخه د ښځو چارو کمېسیون پریکړه وکړه چې دغه بلنه لغوه او د کمېسیون غړي د خپلو پوښتنو مطرح کولو په موخه مالي او بودجې کمېسیون ته لاړل او هلته یې د مالیې وزارت د بودجې عمومي رییس او کارپوهانو څخه خپلې پوښتنې مطرح کړې.

د ديني، كلتوري، پوهنې، لوړو زده كړو، ارشاد، حج او اوقافو چارو كميسيون د روان کال د زمري میاشتې لومړی نیټې غونډه د کمیسیون د رییس ښاغلي الحاج امیرګل شاهین په مشری دایره شوه.

د ننی غونډه بهیر څخه د ولسی جرګی مشر ښاغلی میررحمان رحمانی او لومړی مرستیال ښاغلی امیرخان یار لیدنه وکړه او دی ته په تاکید سره چی باید کمیسیونونه د ۱۳۹۸ نیمایی مالي کال د بررسی مسودې په هکله چی د اوړی رخصتی هم په همدی موخه ځنډیدلی دی خپل اجراات ګړندی کړی او هر څه ژر د خپل اړوند کمیسیون نهایی تصمیم مربوطه کمیسیون سره شریکه کړی څو د دایمی کمیسیونونو د نظریاتو په توحید سره موضوع د ولسی جرګی عمومی غونډی ته د لازمو تصامیو په موخه وړاندی شی.

همداراز کمیسیون ترتیب شوی اجندا سره سم ننی غونډی کی د ۱۳۹۸ نیمایی مالي کال د بررسی مسودې په هکله بحث ترسره کړو چی نور بحث راتلونکی غونډی ته وځنډول شو.

د غونډی دویمه برخه کی د اطلاعاتو او کلتور وزارت سرپرست وزیری په دی موخه کډون کړی وه ترڅو نوموړی د کمیسیون غړو سره د تعارفي لیدنی ترڅنګ د غونډې ګډونوالو ته د یاد وزارت د اړوندو چارو په هکله معلومات وړاندې کړی، د اطلاعاتو او کلتور وزارت سرپرست وزیری خپلی کاری برنامی او متقاضیانو ته د خپلو کاری سهولتونو په هکله راتلونکی پلانونه بیان کړل خو د اطلاعاتو او کلتور وزارت د بودیجی کموالی یی له خپلو اساسی ستونزو څخه مطرح کړه زیاته یی کړه چی دوی نشی کولی لدی امله خپلی زیاتی ستونزی او نیمګړتیاوو بشپړی کړی، چی په هکله یی د کمیسیون غړو څخه د همکاری غوښتنه وکړه، ترڅو هغه برنامی چی راتلونکی کی د یاد وزارت پلان کی شاملی دی د راتلونکی کال بودیجه کی پوره پاملرنه ورته وشی.

د کمیسیون رییس او اعضاوو د یاد وزارت د کاری برنامو د ښه تطبیق په موخه د خپل هر راز همکاری ژمنه وکړه او دی ته په اشاره سره چی باید د اطلاعاتو او کلتور وزارت د تاریخی آثارو او فرهنګی اباداتو د ساتنی په موخه جدی پاملرنه وکړی همداراز ښارونو کی د لوحو د تنظیم په برخه کی هم عملی اقدامات ترسره کړی.

د کمیسیون غړو دا خپله دنده وبلله ترڅو د هغه وزارتونو او اداراتو سره چی د فرهنګی چارو کمیسیون سره مستقیماْ اړیکی لری په ټولو برخو کی به د یادو وزارتونو تر څنګ کار وکړی او د هیواد د نافذه قوانینو په رڼا کی به د یادو وزارتونو او ادارو ستونزی او مشکلات حل کړی.

د غونډی وروستی برخه کی کمیسیون ته د رارسیدلو عرض پاڼو او ګڼه لیکونو په هکله بحث ترسره او اړوندو مراجعو ته لازمی سپارښتنې وشوې.

مصحح : رفیع الله امیني